19:45 Беларускія вячоркі | |
Беларускія вячоркі Справаздачны канцэрт метадычнага аб’яднання настаўнікаў аркестровых і народных інструментаў праходзіў у выглядзе старажытнага народнага звычая "Вячорак”. Рака нараджаецца з ручаёў, дрэва расце з каранёў, чалавечая годнасць і вартасць нараджаецца з глыбокай адданасці Радзіме, з ведання яе гісторыі, культуры. Вячоркі былі адметнай з’явай грамадскага побыту сяланскай моладзі і служылі сродкам працоўнага і эстэтычнага выхавання. Як ні цяжка было жыць у тыя далёкія часы,а ўсё ж заставалася ў народа любоў да песень, танцаў, жартаў, гульняў. Мерапрыемства было запланавана, як падарожжа ў мінулае: прысутныя ўспаміналі, як працавалі нашы продкі, якія прылады для працы выкарыстоўвалі, як апраналіся. Канцэртныя нумары перамежваліся з жартамі, гульнямі, загадкамі, рознымі заданнямі для бацькоў і навучэнцаў, якія прысутнічалі ў зале, а самых актыўных ўдзельнікаў напрыканцы "Вячорак” чакалі салодкія пачастункі. Адным з прыемных момантаў вечарыны было ўзнагароджванне пераможцаў школьнага конкурса на лепшае выкананне канцэртнага твору. Госці і ўздельнікі "Вячорак” правялі цікавую гадзіну, дадому ўсе пайшлі з добрым настроем. Нам трэба жыць ў згодзе і радасці, вучыцца ў нашых продкаў мудрасці, помніць іх запаветы, бо без памяці няма гісторыі . Настаўніца па класу скрыпкі Баброўская І. С.
| |
Категория: Наши новости | Просмотров: 425 | |
Всего комментариев: 0 | |